Xəmirdə Kabab Resepti

Tərkibi.

3 xörək qaşığı soya sousu,
İstiot,

500 qam qiymə,
500 qram mayasız qat-qat xəmir,
1 baş soğan,
2 diş sarımsaq,
Altına sərmək üçün kahı və yaxud da lavaş.

Hazırlanması.

İlk əvvəl soğanı sürtgəcdən keçirib, qiyməyə qatır və soya sousunu, xırdalanmış sarımsaq, istiot əlavə edirik. Soya sosu duzlu olduğundan duzdan qədərincə istifadə etməyə çalışın. Daha sonra, 30 dəqiqə soyuducuda saxladığımız qiymədən küftələr tuturuq(təxminən 25 qram olacaqdır).Sonra xəmiri düzbucaqlı şəklində yayırıq və onu ölçüləri küftədən bir qədər enli olacaq şəkildə doğrayırıq. Bu doğranmış xəmirlər şişə düzülmüş küftələrin arasında olacaq şəkildə şişə keçiriləcəkdir. Sonra, şişlərimizi yağlanmış siniyə düzür və 180 dərəcə qızdırılmış sobada təxminən 30-40 dəqiqə bişiririk. Sobadan çıxardığımız kababları lavaş ya da kahının üzərinə düzürük. Nuş Olsun......